港姐加插淘汰赛 洪欣仔考入上戏 苟芸慧35岁生日

3天前我要分享

  

  今日快报

  官恩娜40岁生日老公囝囝囡囡齐出动

  

  歌手官恩娜(Ella)近年专心照顾家庭为重,乐做幸福妈妈。寻日係佢嘅40岁生日,当然有一班爱锡佢嘅家人同佢庆祝,Ella仲开心到喺网上晒出多张相片!老公亦非常有心思带太太去咗间靚餐厅,见Ella着上靚靚嘅Deep V 裙,晒出亮眼事业线,而老公则着上西装,两个悉心打扮,举杯畅饮。当然仲唔少得一对仔女BéBé G同囡囡BéBé A,都有同妈妈庆生,仲齐齐送上鲜花,睇见都觉得幸福满泻呀!

  Ella亦感性发文:「记得以前做访问成日有人问我...觉得自己10年后会係点?几时会结婚?生唔生小朋友?想要几多个?我唔係一个对人生特别有计划嘅人,相信缘份到就会发生。女人四十,检视下自己嘅人生... 成长路上经过唔小起起跌跌,到咗今日可以搵到一个觉得最开心最适嘅自己位置真係好感恩!虽然冇乜大成就,只要可以每日睇住自己两个小朋友成长已经觉得好快乐!」

  

  李施嬅倒吊玩空中瑜伽自勉

  

  艺人李施嬅月前宣布离开效力16年嘅无线,而《法证先锋IV》就係佢嘅告别作,但因为黄心颖偷食事件,搞到剧集要补拍,李施嬅惟有「重返」无线拍摄,不过近日佢补拍嘅部分已经完成,要再次离开娘家。

  不过亦因为咁,李施嬅似乎多咗私人时间,呢日就去咗做空中瑜伽,佢上载相片至社交网,见佢倒吊半空依然面不改容,仲留言话:「想做到就要付出就要努力就要坚持就么简单You can do it! 」网民都话佢呢番说话好有鼓励性!

  苟芸慧嘟嘴仔卖萌「爱回家」过35岁生日

  

  艺人苟芸慧(苟姑娘)虽然已经做咗人妻 ,但佢仍然好努力工作,仲经常离开老公陆汉洋出埠到外地。今日就?S佢嘅35岁生日,好彩赶得切返香港,佢仲喺机舱开心自拍,又心情靚靚嘟嘴卖萌留言话:「There is no place like home(边度都不如自己嘅屋企)回家了 ~ 」网民话佢咁爱回家,係咪因为掛住老公呢?唔知出名锡老婆嘅陆汉洋又准备咗啲乜嘢节目为苟姑娘庆祝生日?

  

  年年影全家福周家蔚爆洪金宝爱摆功夫pose

  

  艺人陈庭欣(Toby)及周家蔚到场支持罗霖,两人表示曾与罗霖一起做慈善活动,私底下都熟,又有共同朋友。问到两女可有意出写真?周家蔚即笑言:「我係咪迟咗少少?或者可以出本食物写真,但係影食物多过影我。」Toby就笑言:「我可以出本鹦鹉写真,七彩颜色好靚。(自己出写真呢?)冇諗呀,因为出写真要影好多相,我对镜头唔係特别敏感。」

  

  周家蔚就表示:「我记得10年前同过朋友出咗本巴黎旅游书,除非再有人同我一齐做呢件事,我就会有呢个勇气,但自己一个唔敢。」问到成个家庭一齐影?她表示:「要考虑吓,睇吓佢哋肯唔肯,但我啲仔好钟意摆pose,哥哥钟意摆功夫pose,细佬就卖萌,其实我哋一年起码影两次全家福,不过冇公开。(老爷洪金宝会一齐影?)会?,佢会摆功夫pose,同埋想影老爷揸住一张相,想影相中相,一代传一代嘅感觉。」

  

  做李冰冰师弟!洪欣仔考入上海戏剧学院

  

  艺人洪欣与莫少聪所生嘅儿子张镐濂(Ashley),去年正式出道,今年初更被网友影到佢自己一个人去上海戏剧学院参加艺术高考。

  今日Ashley喺微博透露,佢成功考入上海戏剧学院,他留言:「努力总是会有收获,继续加油!」成功做内地艺人李冰冰、佟大为同徐峥嘅师弟,而Ashley继父张丹峰亦都有毕业于上海戏剧学院,两父子今次变成校友,真係恭喜晒!

  港姐:淘汰几多人?陈旭亮:视乎佳丽表现

  

  无线非戏剧经理陈旭亮于港姐记者会中接受传媒访问,被问到今年赛制时,他坦言会有淘汰赛,但未知会淘汰多少人,还在考虑中,但都会于澳门及日本外景拍摄后进行,会看她们的表现才定。至于决赛会在9月8日举行,问到有否广告赞助商抽起广告时,他表示没有。

  往期内容

  欢迎勾搭

  

  我就知道你在看!收藏举报投诉